پشاور، لیڈی ریڈنگ اسپتال میں بیڈز بڑھانے پر غور

پشاور کے لیڈی ریڈنگ اسپتال کے ڈین پروفیسر ڈاکٹر عبداللطیف خان کی زیرِ صدارت اجلاس کیا گیا جس میں کورونا صورت حال کی پیش نظر مریضوں کے لیے بیڈز اور دیگر سہولیات بڑھانے پر غور کیا گیا۔

اجلاس کے دوران ڈاکٹر عبدالطیف خان نے کہا کہ کورونا کے مریضوں کے لیے 20 فیصد بیڈز مختص کر رہے ہیں جس کے بعد کورونا کمپلیکس میں بیڈز کی تعداد 300 سے زائد ہو جائے گی۔

اُنہوں نے کہا کہ کورونا مریضوں کو آکسیجن کی بلا تعطل فراہمی جاری ہے۔

ڈاکٹر عبدالطیف خان نے کورونا کے فرنٹ لائن ہیروز کو خراج تحسین پیش کرتے ہوئے کہا کہ طبی عملے کی مسلسل جدوجہد قابل تحسین ہے۔