آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چینی کے بعد پٹرول مافیا بھی جیت گیا، شہباز شریف


شہباز شریف نے حکومت کی طرف پٹرولیم مصنوعات کی قیمتوں میں اضافے کو مسترد کردیا۔ اُن کا کہنا ہے کہ چینی کے بعد پٹرول مافیا بھی جیت گیا اور عوام ہار گئے۔

ایک بیان میں شہباز شریف نے کہا کہ پٹرولیم قیمتوں میں تاریخ کا بلند ترین 33 فیصد اضافہ ’چینی اسکینڈل پارٹ ٹو‘ ہے۔

یہ بھی پڑھیے: حکومت کا پیٹرولیم مصنوعات مہنگی کرنے کا فیصلہ

انہوں نے کہا کہ حکومتی سرپرستی میں چینی کے بعد پیٹرول مافیا کو عوام کو لوٹنے کا لائسنس دیا گیا۔

اپوزیشن لیڈر نے مزید کہا کہ چینی کے بعد پٹرول مافیا بھی جیت گیا اور عوام ہار گئے، حکومت مافیاز کی سب سے بڑی حمایتی ثابت ہوئی۔

ان کا کہنا تھا کہ پٹرول کے معاملے میں بھی چینی چوری والی واردات دہرائی گئی۔

شہباز شریف نے یہ بھی کہا کہ عمران نیازی کے عوام کی بہتری اور احساس کے دعوے کھوکھلے ثابت ہوئے۔

انہوں نے کہا کہ ثابت ہوا کہ یہ ظالموں، بے حسوں اور نااہلوں کی حکومت ہے۔

قومی خبریں سے مزید