بطور پروڈیوسر باصلاحیت اداکاروں کو آگے لاؤں گی، انوشکا شرما

27 جون ، 2020

بھارتی اداکارہ اور پروڈیوسر انوشکا شرما نے بھارتی انڈسٹری میں جاری اقربا پروری پر بحث سے متعلق کہا ہے کہ بطور پروڈیوسر وہ حقیقی اور باصلاحیت اداکاروں کو اپنی فلموں میں کام کرنے کا موقع دیں گی۔

بھارتی ویب سائٹ ’ اے این آئی ‘ کے مطابق انوشکا شرما نے اپنے ایک حالیہ انٹرویو کے دوران بھارتی شوبز انڈسٹری میں اقربا پروری کےخلاف جاری بحث سے متعلق بات کرتے ہوئے کہا ہے کہ ’ وہ جب 25 سال کی عمر میں پروسر بنی تھیں تو انہوں یہی سوچا تھا کہ بطور پروڈیوسر حقیقی اور با صلاحیت اداکاروں کو مواقع دوں گی جو اپنا کریئر بنانے کے لیے دن رات محنت کرتے ہیں ، ایسے لوگوں کو سامنے لاؤ گی جن کا اس انڈسٹری میں اُن کے ٹیلنٹ کے سوا کوئی دوسرا سہارا نہیں ہے۔‘

انوشکا شرما کے پروڈکشن ہاؤس کا نام ’ کلین سلیٹ فلم ‘ ہے جس میں اُن کے بھائی کارنیش شرما بھی شریک بانی ہیں۔

کارنیش شرما کا کہنا ہے کہ ’ جب انہوں نے پروڈکشن ہاؤس بنایا تھا اُن کے ذہن میں یہ بات بالکل واضح تھی کہ بالکل نئے اداکاروں کو موقع دیا جائے گا، جن کو بغیر کسی فلٹر کے متعارف کروایا جائے گا ، جن کی آوازیں بھی بغیر فلٹر کے استعمال کی جائیں گی ، انہوں نے سوچا تھا کہ اس پروڈکشن ہاؤس کے ذریعے بالکل نئے اور با صلاحیت لوگ انڈسٹری میں لائے جائیں گے۔‘

انوشکا اور کارنیش شرما کے پروڈکشن ہاؤس میں ابھی تک فلم ’ این ایچ 10 ‘، فلم ’ پھلوری ‘ اور فلم ’ پری ‘ بنائی جا چکی ہیں ۔

انوشکا شرما کا کہنا تھا کہ ’ اُن کا اس انڈسٹری میں بہت دلچسپ سفر رہا ہے ، اس دوران انہوں نے بہت کچھ سیکھا، وہ چاہتی ہیں کہ اپنے پروڈکشن ہاؤس پر بھائی کے ساتھ مل کر اپنے تجربات آزمائیں۔‘

انہوں نے کہا ہے کہ میں نے اپنی پہلی فلم سے لے کر آج تک بڑی محنت کی ہے تا کہ اچھی اور بڑی فلموں میں کام کرنے کے مواقع مل سکیں، اُن ہمیشہ سے کوشش رہی ہے کہ وہ اچھے ڈائریکٹرز اور رائٹرز کے ساتھ کام کریں۔‘

تازہ ترین