آپ آف لائن ہیں
بدھ23؍ذیقعد 1441ھ 15؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جرمنی آج یورپین یونین کی صدارت سنبھالے گا

جرمنی آج سے کونسل آف دی یورپین یونین کی صدارت سنبھال لے گا، یورپین یونین کے تمام ممبر ممالک باری باری پریزیڈینسی آف دی یورپین کونسل کی صدارت سنبھالتے ہیں۔

پریزیڈینسی آف دی یورپین کونسل کی صدارت کی مدت 6 ماہ ہوتی ہے، جس کے دوران صدر ملک کونسل کی سطح پر ہونے والی ہر میٹنگ کی صدارت کرتے ہوئے اس کے امور کی انجام دہی میں تسلسل قائم کرنے کی کوشش کرتا ہے۔

یورپین یونین میں یہ نظام لزبن ٹریٹی کے تحت 2009 میں شروع کیا گیا تھا۔ اس نظام کے تحت ممبر ممالک تین تین کے گروپ میں کام کرتے ہیں، انہیں 'ٹرائیو' کہا جاتا ہے۔

یہ ٹرائیو 18 ماہ کی مدت کے دوران طویل المدتی اہداف اور یورپ کیلئے کامن ایجنڈا طے کرتے ہیں ۔

جرمنی ایک مشکل وقت میں یہ صدارت سنبھال رہا ہے، اسے کورونا وبا کے بعد کی معاشی بحالی اور آئندہ یورپین بجٹ کی تیاری جیسے مسائل درپیش ہوں گے۔

بین الاقوامی خبریں سے مزید