آپ آف لائن ہیں
جمعرات 15؍ ذی الحج 1441ھ6؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت مندر کا معاملہ خوش اسلوبی سے حل کرنے کی خواہشمند، نورالحق قادری

وفاقی وزیر مذہبی امور نورالحق قادری نے کہا ہے کہ حکومت چاہتی ہے کہ اسلام آباد میں مندر کا معاملہ خوش اسلوبی سے حل ہو۔

نورالحق قادری نے گوردوارہ بھائی جوگا سنگھ کا دورہ کیا اور سانحہ شیخوپورہ پر سکھ برداری سے تعزیت اور افسوس کا اظہار کیا ہے۔

اس موقع پر میڈیا سے گفتگو کرتے ہوئے وزیر مذہبی امور کہا کہ حکومت نے شیخوپورہ سانحہ کی رپورٹ طلب کی ہے۔

ان کہنا تھا کہ میتیں پشاور منتقل کرنے کے لیے خصوصی اقدامات کیے ہیں۔

اسلام آباد میں مندر کی تعمیر پر گفتگو کرتے ہوئے ان کا کہنا تھا کہ 2017 میں اسلام آباد میں ہندو کمیونٹی کو پلاٹ الاٹ کیا گیا تھا۔

نور الحق قادری کا کہنا تھا کہ اقلیتوں کی عبادت گاہوں کی تزئین و آرائش کے لیے حکومت کے پاس فنڈز ہوتے ہیں۔

انہوں نے کہا کہ مندر کی تعمیر کے معاملے کو وزیراعظم خود دیکھ رہے ہیں، جبکہ اس معاملے کو اسلامی نظریاتی کونسل کو بھیج رہے ہیں۔

نور الحق قادری کا کہنا تھا کہ حکومت چاہتی ہے کہ یہ معاملہ خوش اسلوبی سے حل ہو۔

ان کا یہ بھی کہنا تھا کہ مذہبی عبادت گاہیں امن کی علامت ہوتی ہیں۔

قومی خبریں سے مزید