آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہمیں جے آئی ٹی سے نہیں ڈرایا جاسکتا، آفاق احمد


مہاجر قومی موومنٹ (ایم کیوایم) حقیقی کے چیئرمین آفاق احمد نے کہا ہے کہ ہمیں جوائنٹ انویسٹی گیشن ٹیم (جے آئی ٹی) سے نہیں ڈرایا جاسکتا۔

کراچی میں پریس کانفرنس سے خطاب میں آفاق احمد نے کہا کہ ہم نے ہمیشہ صاف ستھری سیاست کی، ذوالفقارمرزا سے ملاقات اُن کے وزیرداخلہ ہونے کی بنا پر ہوئی تھی۔

انہوں نے کہا کہ آفاق احمد کو جے آئی ٹی سے نہیں ڈرایا جاسکتا، سپریم کورٹ سے درخواست ہے کہ وہ اس معاملے کا ازخود نوٹس لے۔

چیئرمین ایم کیو ایم حقیقی نے مزید کہا کہ جے آئی ٹی سے اُن کی ساکھ متاثر کرنے کی سازش کی گئی ہے، اس جے آئی ٹی کی کوئی حیثیت نہیں۔

ان کا کہنا تھاکہ ہم اس جے آئی ٹی سے بلیک میل نہیں ہوں گے اور نا ہی اپنے اصولوں سے پیچھے ہٹیں گے۔

آفاق احمد نے یہ بھی کہا کہ کراچی اور سندھ کے لوگوں کے ساتھ زیادتی کی جارہی ہے اس سے منہ نہیں موڑا جاسکتا۔

قومی خبریں سے مزید