پی ٹی آئی میں عمران کا کوئی متبادل نہ مائنس کا امکان،شاہد خاقان

آج کا اخبار

اہم خبریں

08 جولائی ، 2020

اسلام آباد (این این آئی)سینئر رہنما ن لیگ شاہد خاقان عباسی نے کہا ہے کہ حکومت ناکام ہوچکی ہے، کوئی مستقبل نظر نہیں آتا، چاہتے ہیں حکومت پانچ سال پورے کرے ،حکومت کا ہر لمحہ ملک پر بھاری ہے، عدم اعتماد تحریک واحد راستہ ہے،مائنس ون فارمولا میری نظر میں نا ممکن ہے، میں نہیں سمجھتا کہ تحریک انصاف میں کوئی شخص عمران خان کی جگہ لے سکتا ہے، جتنی میڈیا سنسر شپ اس حکومت کے دور میں ہے کسی اوردور میں نہیں رہی ۔ ایک انٹریومیں انہوں نے کورونا سے متعلق اپنے تجربے سے آگاہ کرتے ہوئے بتایا کہ مجھے کورونا ہوا تو کم درجے کا بخار رہا، کورونا سے اتنی کمزوری ہوئی کہ آدھا کلو میٹر واک بھی نہیں کرسکتا تھاابھی بھی کمزوری ہے ، قرنطینہ سے پہلے آٹھ ماہ جیل میں گزارے اس لیے آئیسولیشن کا احساس نہیں ہوا۔

تازہ ترین