آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی سی بی نے دانش کنیریا اور سلیم ملک کو ہری جھنڈی دکھادی

پاکستان کرکٹ بورڈ نے دانش کنیریا اور سلیم ملک دونوں کو ہری جھنڈی دکھا دی ، پی سی بی نے دانش کنیریا کو مشورہ دیا کہ انگلش کرکٹ بورڈ نے ان پر تاحیات پابندی لگائی تھی اسے ختم کروانے کےلیے وہ ای سی بی سے ہی رابطہ کریں۔

پی سی بی نے سلیم ملک سے کہا کہ وہ اپنی غلطی کا پہلے اعتراف کر چکے ہیں، آئی سی سی کے فراہم کردہ ٹرانسکرپٹ کا جواب نہ دینے سے حقیقت نہیں بدلے گی۔

سابق ٹیسٹ کرکٹردانش کنیريا اور سليم ملک نے پی سی بی کو درخواست دی تھی کہ ان پر عائد پابندیاں ختم کی جائیں۔

بورڈ نے دانش کنیریا کو جواب دیا کہ پی سی بی کا بحالی پروگرام کھلاڑی کی سزا مکمل ہونے کے بعد دیا جاتا ہے۔ تاحیات پابندی کی سزا بھگتنے والوں کو نہیں، دانش پر انگلش کرکٹ بورڈ نے تاحیات پابندی لگائی ہے اور تمام آئی سی سی ممبرز اس پر عملدرآمد کے پابند ہیں، دانش کنیریا بھی سزا ختم کروانے کےلیے انگلش کرکٹ بورڈ سے رابطہ کریں۔

پی سی بی نے سلیم ملک کی درخواست پر جواب دیا کہ وہ اپنی غلطی کا اعتراف پی سی بی کے چیئرمین کو لکھے خط میں پہلے ہی کر چکے ہیں۔

پی سی بی کا مزید کہنا ہے کہ آئی سی سی کی جانب سے فراہم کردہ ٹرانسکرپٹ کا جواب نہ دينے سے اعتراف جرم تبدیل نہیں ہو سکتا۔

کھیلوں کی خبریں سے مزید