اس سال 29 اپریل کو انتقال کرجانے والے والے لیجنڈری بالی ووڈ اسٹار عرفان خان کی بیوہ سوتاپا سکدر نے سوشل میڈیا پر مرحوم عرفان خان کی ایسی تصاویر شیئر کی ہیں جو کہ اس سے قبل دیکھی نہیں گئی تھیں۔
جمعہ کو سوتاپا سکدر نے اپنے انسٹا گرام ہینڈل پر اپنے مرحوم شوہر کی یادوں کو شیئر کیا ہے، اس انسٹا پوسٹ میں چند وہ تصاویر ہیں جو کہ ان کے ایک خوبصورت دورے کے موقع پر لی گئی تھیں۔ تصویر میں وہ عرفان خان اور اپنے بیٹے بابیل خان کے ساتھ نظر آرہی ہیں۔
حال ہی میں عرفان خان کے بیٹے بابیل نے دل کوگرما دینے والی ایک پوسٹ اپنے انسٹاگرام پر شیئر کی تھی، جس میں انہوں نے اپنے والد کی جانب سے انہیں سینما کے حوالے سے آگہی فراہم کرنے پر تحریر کیا تھا۔ اس میں ایک اقتباس میں بابیل کچھ اس طرح تحریر کرتے ہیں۔
آپ کو پتہ ہے کہ میرے والد نے مجھے سینما کے بارے میں بطور ایک طالب علم سب سے اہم بات جو بتائی تھی، وہ میرے فلم اسکول جانے سے بھی پہلے کی بات ہے۔
والد نے مجھے خبردار کیا تھا کہ مجھے خود کو ثابت کرنا ہوگا، کیونکہ ورلڈ سینما میں بالی ووڈ میں عزت کم ہی ملتی ہے، اور ان لمحات میں مجھے انڈین سینما کے بارے میں بتانا ہوگا کہ بالی ووڈ ہمارے کنٹرول سے باہر ہے، اور بدقسمتی سے حقیقت میں ایسا ہی ہے۔
بالی ووڈ میں احترام نہیں ہے، 60 اور 90 کے عشرے کے انڈین سیمنا یا کسی رائے کی ساکھ کا مجھے پتہ نہیں۔