آپ آف لائن ہیں
اتوار18؍ذی الحج 1441ھ 9؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

متحدہ عرب امارات کیلئے پی آئی اے کا فضائی آپریشن جاری

متحدہ عرب امارات کے لیے پاکستان انٹرنیشنل ایئرلائن ( پی آئی اے) کا فضائی آپریشن جاری ہے۔

ترجمان پی آئی اے کا کہنا ہے کہ پاکستان سے دبئی، شارجہ، ابوظہبی اور العین کے لیے پروازیں روانہ ہورہی ہیں، مسافروں کو روانگی کے 96 گھنٹوں کے اندر مختص لیبارٹری سے کورونا ٹیسٹ کرانا لازم ہوگا۔

پی آئی اے ترجمان نے کہا کہ کورونا منفی رپورٹ بورڈنگ کے وقت پیش کرنا ہوگی جبکہ دبئی اتھارٹی کی جانب سے سفر کے لیے کلیئرنس سرٹیفیکٹ بھی لازم ہے۔

ترجمان نے کہا کہ یو اے ای کے سفر کے خواہشمند مسافر آن لائن اجازت نامہ حاصل کر سکتے ہیں، ٹکٹس پی آئی اے کے دفاتر کے علاوہ ویب سائٹ اور ایجنٹس سے بھی حاصل کیے جاسکتے ہیں۔

ترجمان پی آئی اے کا مزید کہنا تھا کہ متحدہ عرب امارات پہنچنے سے پہلے ہیلتھ ڈیکلریشن فارم پُر کرنا لازم ہے۔

قومی خبریں سے مزید