مشکل حالات کے باوجود ملک بہتری کی طرف گامزن ہے، عبدالعلیم خان

صوبہ پنجاب کے سینئر وزیر عبدالعلیم خان نے لاہور میں میڈیا سے گفتگو کرتے ہوئے کہا کہ مشکل حالات کے باوجود بھی ملک بہتری کی طرف گامزن ہے۔

عبدالعلیم خان نے کہا کہ حکومت عوامی مسائل کے حل کے لیے دن رات کوشاں ہے، وزیر اعظم عمران خان معیشت کو اپنے پاؤں پر کھڑا کرنا چاہتے ہیں۔

اُنہوں نے کہا کہ عالمی اور ملکی منظر نامہ غیر معمولی حالات کی عکاسی کرتا ہے، سابقہ حکمرانوں کی کرپشن نے عام آدمی کے مسائل میں اضافہ کیا ہے۔

عبدالعلیم خان کا مزید کہنا تھا کہ شہریوں کو بھی ترقیاتی کاموں اور بہتری میں حکومت کا ساتھ دینا چاہیے۔