کراچی، گیس چوری کیخلاف آپریشن، ایک ملزم گرفتار

کراچی میں سوئی سدرن کی جانب سے گیس چوری کیخلاف آپریشن کیا گیا جس کے نتیجے میں مین لائن سے گیس چوری کرنے والا ملزم پکڑا گیا ہے۔

سوئی گیس کمپنی کا کہنا ہے کہ ہیوی جنریٹر سے کمرشل مقاصد کے لیے بجلی پیدا کی جا رہی تھی، ملزم ایس ایس جی سی کی ڈسٹری بیوشن لائن سے گیس چوری کر رہے تھے۔

محمد ابو ذر سوئی سدرن کا مزید کہنا تھا کہ گیس چوروں کے خلاف جاری آپریشن مزید تیز کیا جائے گا۔