فرمان الہی
نماز کے اوقات
لاہور (نمائندہ جنگ) وزیر اعلیٰ پنجاب سردارعثمان بزدارنے تربت اسپتال اور تفتان زائرین کمپلیکس کیلئےبلوچستان کو 1ارب روپے دیدئیے۔وزیر اعلی پنجاب نے قبائلی عمائدین سے خطاب کیا ،پشین اور لورالائی کا دورہ کیا، گورنر بلوچستان ودیگرسے ملاقاتیں کیں،انہیں روایتی بلوچی پگڑی پہنائی گئی، عثمان بزدار نے پشین ریسٹ ہاؤس میں قبائلی عمائدین کے اجتماع سے خطاب کرتے ہوئے کہا کہ بلوچستان صوبے نے مستقبل میں پاکستان کی تعمیروترقی میں اہم رول ادا کرنا ہے اور سی پیک جیسے گیم چینجر منصوبہ خطے میں خوشحالی کی نوید بن کر ابھرے گا، وزیر اعظم پاکستان عمران خان کی قیادت میں کم ترقی یافتہ اور پسماندہ علاقوں کو خصوصی طور پر آگے لانے کے لیے تمام ممکنہ وسائل کو بروئے کار لایا جارہا ہے۔عثمان بزدار نے کہا کہ وہ خصوصی طور پر صوبہ بلوچستان کا دورہ کررہے ہیں۔
