آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان ٹیم ایک دن آرام کے بعد کل سے پھر پریکٹس کرے گی

انگلینڈ کیخلاف سیریز کی تیاریوں کیلئے ڈربی میں موجود پاکستان کرکٹ ٹیم ایک دن آرام کے بعد کل سے پھر پریکٹس سیشنز کا آغاز کرے گی۔ چار روزہ میچ کے بعد منگل کو پاکستانی کرکٹرز نے کوچز کے ساتھ بیٹھک لگائی اور کارکردگی کو ریویو کیا۔

پاکستان اور انگلینڈ کے درمیان ٹیسٹ سیریز پانچ اگست سے شروع ہوگی، سیریز کی تیاریوں کیلئے پاکستان کرکٹ ٹیم ان دنوں ڈربی میں موجود ہے جہاں جمعہ سے پیر تک ٹیم کا چار روزہ انٹرا اسکواڈ میچ کھیلا گیا جس میں نسیم شا ہ اور سہیل خان کی تباہ کن بولنگ کے بعد محمد رضوان، اظہر علی، اسد شفیق اور فخر زمان نے شاندار بیٹنگ کا بھی مظاہرہ کیا۔

چار روزہ میچ کے بعد منگل کو پلیئر نے آرام کیا اور اپنے اپنے شعبوں کے کوچز کے ساتھ بیٹھک میں گیم کو ریویو کیا۔

ایک روز آرام کے بعد پاکستانی کرکٹرز کل سے پھر نیٹس کا رخ کریں گے۔ بدھ اور جمعرات کو دو دو سیشنز میں نیٹ پریکٹس ہوگی جس کے بعد 24 جولائی سے پاکستان کرکٹ ٹیم کا دوسرا انٹرا اسکواڈ وارم اپ میچ شروع ہوگا۔ پاکستان کرکٹ ٹیم یکم اگست کو ڈربی سے مانچسٹر روانہ ہوجائے گی۔

کھیلوں کی خبریں سے مزید