کورونا کے دوران معاشی حالات خراب ہونے پر فنکار مزدوری پر مجبور

عالمگیر وبا کورونا وائرس نے فنکاروں کی بھی دنیا بدل دی اور کام نہ ہونے کے باعث فنکار پریشانی کا شکار ہوگئے ہیں۔

کورونا نے جہاں دیگر کاروبار کو متاثر کیا وہیں لاک ڈاون کے باعث فنکاروں کے معاشی حالات بھی بری طرح متاثر ہوئے۔

لوگوں کے چہروں پر مسکراہٹیں بکھیرنے والے فنکار کاروبار بند ہونے اور امداد نہ ملنے پر سڑکوں پر آنے پر مجبور ہو گئے ہیں۔

لاک ڈاؤن کے باعث بولی وڈ اداکار سبزی کا ٹھیلا لگانے پر مجبور

ممبئی (مانیٹرنگ ڈیسک)عالمی وباء کورونا وائرس کے...

پائی پائی کو ترس جانے والے کچھ فنکار گھر کا چولہا جلتا رکھنے کے لیے فن چھوڑ کر مزدروی پر مجبور ہیں۔

ان میں موجود کامیڈین غفار لہری نے کام نہ ہونے کے باعث ایزی لوڈ کا اسٹال لگا لیا ہے۔

کامیڈین غفار لہری کہتے ہیں کہ دن بھر کی مزدروی کے بعد چند روپے کماتے ہیں لیکن یہ کسی کے سامنے ہاتھ پھیلانے سے بہتر ہے۔

لوگوں کے لبوں پر ہنسی بکھیرنے والوں کی جب اپنی ہنسی معدوم ہوگئی تو دکھ یہ ہے کہ انہیں پوچھنے والا کوئی نہیں ہے۔