آپ آف لائن ہیں
بدھ14؍ذی الحج1441ھ5؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دو اہم بلوں کی منظوری پر وزیراعظم اور ٹیم مبارکباد کی مستحق، فیاض چوہان

وزیر اطلاعات پنجاب فیاض الحسن چوہان کا کہنا ہے کہ سینیٹ سے دو انتہائی اہم بلوں کی منظوری پر وزیراعظم اور ان کی ٹیم مبارک باد کی مستحق ہے۔

وزیر اطلاعات پنجاب فیاض الحسن چوہان نے اپنے ایک بیان میں کہا کہ دہشتگردوں کی مالی معاونت روکنے سے متعلق قانون سازی قیام امن کی کوششوں کی مثال ہے، بلوں کی منظوری سے پاکستان کو تنہا کرنے کی بھارتی سازش ایک بار پھر ناکام ہوگئی۔

انہوں نے کہا کہ اس منظرنامے سے فضل الرحمان اور اپوزیشن کو عقل آجانی چاہیے، فضل الرحمان کی شہباز شریف اور بلاول بھٹو زرداری کو ملانے کی جدوجہد پر پہلے ہی پانی پھرچکا ہے۔

فیاض الحسن چوہان نے کہا کہ شہباز اور بلاول کی مشترکہ پریس کانفرنس کے آخری دو منٹ نے ان کے اتحاد کا پول کھول دیا، دونوں رہنماؤں کی ایک دوسرے پر ذمہ داری ڈالنے کی ناکام کوشش پاکستانی عوام نے دیکھی ۔

اُن کا کہنا ہے کہ فضل الرحمان بھی عید کے بعد اپوزیشن جماعتوں سے مل کر ایک بار پھر تحریک چلانے کا چسکا پورا کر لیں۔

وزیر اطلاعات پنجاب فیاض الحسن چوہان نے مزید کہا کہ اس نام نہاد تحریک کا حشر بھی سابقہ تحریکوں سے مختلف نہیں ہو گا۔ 

قومی خبریں سے مزید