آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کرسچین ٹرنر کی پاکستانیوں کو اردو میں عید کی مبارکباد


برطانوی ہائی کمشنر کرسچین ٹرنر نے پاکستان میں عید الاضحیٰ منانے والوں کیلئے اردو میں عید مبارک کا پیغام جاری کر کے پاکستانیوں کا دل جیت لیا۔

سماجی رابطے کی ویب سائٹ ٹوئٹر پر ایک منٹ اور 8 سیکنڈ پر مشتمل ویڈیو پیغام شیئر کرتے ہوئے تمام مسلمانوں کو عید الاضحیٰ کی مبارکباد دی۔

کرسچین ٹرنر نے کہا کہ یہ عید ہمیں قربانی کی یاد دلاتی ہے اور ہم سب نے بھی کورونا کے دوران بہت کچھ قربان کیا ہے۔

برطانوی ہائی کمشنر نے اپنے ویڈیو پیغام میں کہا کہ ہم نے کھیلوں کو قربان کیا ہے، پاکستان انگلینڈ کرکٹ سیریز بہت اہم ہے، ہم چھکا لگا کر عالمی وبا کو ہرا دیں گے، ہم نے اپنوں سے دوری کی بھی قربانی دی ہے۔

کرسچین ٹرنر نے یہ بھی کہا کہ ’مجھے افسوس ہے کہ کورونا کی وجہ سے پورا پاکستان نہیں گھوما، ہماری قربانیوں کا نتیجہ ہے کہ پاکستان میں کورونا کے کیسز کم ہو رہے ہیں، بڑی عید پر بڑی حفاظت ضروری ہے۔‘

ان کا کہنا تھا کہ خوشی سے بتانا چاہتا ہوں برٹش ایئرویز پاکستان کے لیے دوبارہ سے اپنی پروازیں شروع کر رہی ہے، یہ پاک برطانیہ دوستی کا اظہار ہے، دوست ہی مشکل وقت میں ساتھ دیتے ہیں۔

خاص رپورٹ سے مزید