آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شریف گروپ کے سی ایف او محمد عثمان کو اٹھالیا گیا، عطا تارڑ


مسلم لیگ (ن) کے سینئر رہنما عطا تارڑ نے کہا ہے کہ شریف گروپ کے سی ایف او محمد عثمان کو اٹھالیا گیا ہے ۔

ذرائع کے مطابق محمد عثمان کو منی لانڈرنگ کے الزام میں نیب نے گرفتار کرلیا ہے تاہم انہوں نے اس گرفتاری کی فی الحال تصدیق نہیں کی ہے۔

ایک بیان عطا تارڑ نے کہا کہ محمد عثمان فیملی کے ہمراہ اپنے والدین سے عید مل کر آرہے تھے کہ انہیں اٹھالیا گیا۔

انہوں نے کہا کہ قومی احتساب بیورو (نیب) یا فیڈرل انویسٹی گیشن ایجنسی (ایف آئی اے) نے محمد عثمان کو اٹھانے کی کوئی تصدیق نہیں کی ہے۔

ن لیگی رہنما نےالزام لگایا کہ وزیراعظم عمران خان نیازی حکومت نے شریف گروپ کے سی ایف او کو خفیہ مقام پر حبس بے جا میں رکھا ہے۔

ان کا کہنا تھا کہ محمد عثمان کے بھائی نے پولیس کو درخواست دے دی ہے، انہیں فوری رہا نہ کیا گیا تو ایف آئی اے کے دفتر کا گھیراؤ کریں گے۔

قومی خبریں سے مزید