آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی آئی اے نے جعلی اسناد والے 28 ملازمین کو فارغ کردیا

قومی ایئرلائن پی آئی اے نے جولائی کے مہینے میں ادارے کے 63 ملازمین کے خلاف کارروائی کی ہے۔ ترجمان کا کہنا ہے کہ جعلی تعلیمی اسناد کے حامل 28 ملازمین کو ملازمت سے فارغ کردیا۔

ترجمان پی آئی اے کے مطابق بغیر اطلاع کے کئی عرصے سے غیرحاضر 27 ملازمین کو فارغ کیا گیا۔

ترجمان کا کہنا ہے کہ پی آئی اے نے مشتبہ لائسنس کے حامل 5 پائلٹس کو بھی فارغ کردیا، جبکہ دو ملازمین کو بدعنوانی اور ایک کو نااہلی پر فارغ کیا گیا۔

ترجمان پی آئی اے کے مطابق کام سے انکار کرنے پر 4 ملازمین کی تنزلی کردی گئی۔ اسی طرح ایس او پیز کی خلاف ورزی پر بطور سزا 3 ملازمین کے انکریمنٹ میں کٹوتی کی گئی۔

ترجمان پی آئی اے کا کہنا ہے کہ تمام کارروائیاں قانون اور ضابطے کے قواعد پورے کرکے کی گئی ہیں۔

ترجمان کا مزید کہنا ہے کہ پی آئی اے میں بغیر کسی دباؤ کے سزا و جزا کا عمل جاری ہے اور جاری رہے گا۔

قومی خبریں سے مزید