آپ آف لائن ہیں
منگل11؍صفر المظفّر 1442ھ 29؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نومبر تک افغانستان میں فوجیوں کی تعداد 4 ہزار کردینگے، ٹرمپ


امریکی صدر ٹرمپ نے نومبر کے صدارتی انتخابات تک افغانستان میں موجود امریکی فوجیوں کی تعداد ساڑھے آٹھ ہزار سے کم کر کے چار ہزار تک کرنے کا کہہ دیا۔

ایک انٹرویو میں امریکی صدر نے کہا کہ مشرق وسطیٰ میں جانا امریکی تاریخ کی واحد بڑی غلطی تھی۔

سوشل میڈیا ویب سائٹ پر انٹرویو میں امریکی صدر ٹرمپ کا کہنا تھا کہ جلد ہی افغانستان میں امریکی فوجیوں کی تعداد آٹھ ہزار اور اس کے بعد چار ہزار تک لے آئیں گے، اس سلسلے میں بات چیت جاری ہے۔

امریکی صدر نے دعویٰ کیا کہ انہوں نے وہ کیا جو کسی اور امریکی صدر نے نہیں کیا، شام سے داعش کو نکالا، اس کے دہشت گردوں کو مارا، گرفتار کیا۔

ان کا کہنا تھا کہ امریکا کو کبھی بھی مشرق وسطیٰ میں نہیں جانا چاہیے تھا، یہ امریکا کی تاریخ کی بہت بڑی غلطی تھی۔

بین الاقوامی خبریں سے مزید