لاہور: فاسٹ فوڈ اینڈ ریسٹورنٹ کھولنےکیلئےحکومتی ایس او پیزجاری

لاہور میں فاسٹ فوڈ اور ریسٹورنٹ کھولنے کے لیے پنجاب حکومت نے ایس او پیز جاری کردیں۔

سیکرٹری ہیلتھ کیئر محمد عثمان نے کہا ہے کہ فاسٹ فوڈ اور ریسٹورنٹ کے ڈائننگ ہال میں سوشل پارٹیز کی اجازت نہیں ہوگی، جبکہ ڈائننگ ہال میں 50 فیصد تک لوگوں کو کھانا کھانے کی اجازت ہوگی۔

پنجاب میں سیاحتی سرگرمیوں کی بحالی کیلئے ایس او پیز تیار

سیکرٹری ہیلتھ کیئر محمد عثمان کا کہنا ہے کہ پارکس، میوزیم اور دیگر سیاحتی مقامات پر سینیٹائزیشن کا خیال رکھا جائے، جبکہ سیاحتی مقامات پر کسی بھی چیز کی سطح کو پکڑنے یا چھونے سے پرہیز کریں۔

محمد عثمان نے کہا کہ 60 سال سے زائد عمر کے شہریوں کو ریسٹورنٹ میں جانے کی اجازت نہیں ہوگی، ریسٹورنٹ میں ہر ٹیبل کے درمیان 6 فٹ کا فاصلہ رکھا جائےگا۔

انہوں نے کہا کہ ریسٹورنٹ میں پلے ایریاز بند رکھےجائیں گے۔