پنجاب میں سیاحتی سرگرمیوں کی بحالی کیلئے ایس او پیز تیار

پنجاب حکومت نے صوبے میں سیاحتی سر گرمیاں بحال کرنے سے متعلق ایس او پیز تیار کرلی ہیں، سیکرٹری پرائمری اینڈ سیکنڈری ہیلتھ کیئر محمد عثمان نے سیاحتی مقامات کھولنے کا نوٹیفیکیشن جاری کردیا۔

سیکرٹری ہیلتھ کیئر محمد عثمان کا کہنا ہے کہ پارکس، میوزیم اور دیگر سیاحتی مقامات پر سینیٹائزیشن کا خیال رکھا جائے، جبکہ سیاحتی مقامات پر کسی بھی چیز کی سطح کو پکڑنے یا چھونے سے پرہیز کریں۔

لاہور: فاسٹ فوڈ اینڈ ریسٹورنٹ کھولنےکیلئےحکومتی ایس او پیزجاری

سیکرٹری ہیلتھ کیئر محمد عثمان نے کہا کہ فاسٹ فوڈ اور ریسٹورنٹ کے ڈائننگ ہال میں سوشل پارٹیز کی اجازت نہیں ہوگی، جبکہ ڈائننگ ہال میں50 فیصد تک لوگوں کو کھانا کھانےکی اجازت ہوگی۔

محمد عثمان نے کہا کہ زیادہ رش والے مقامات پر لوگ ماسک لازمی پہنیں گے، جبکہ سماجی فاصلے کو قائم رکھنے کے لیے آن لائن ٹکٹ اور بکنگ کو یقینی بنایا جائےگا۔

انہوں نے کہا کہ سیر و سیاحت کے لیے رات کی نسبت دن کو ترجیح دی جائے، کسی بھی سیرگاہ پر 60 فیصد لوگوں کو داخل ہونےکی اجازت دی جائےگی۔

محمدعثمان نے کہا کہ چھوٹے بچے، بزرگ اور حاملہ خواتین گھر پر رہیں، بخار، کھانسی یا گلہ خراب ہونےکی صورت میں فوراً 1033پر رابطہ کریں۔