شاہ محمود قریشی کی وزیر اعلیٰ بزدار سے ملاقات، جنوبی پنجاب سیکرٹریٹ فوری مکمل کرنے کا فیصلہ

لاہور(خصوصی رپورٹر)وزیراعلیٰ پنجاب سردار عثمان بزدار سےگزشتہ روز وزیراعلیٰ آفس میں وزیر خارجہ شاہ محمود قریشی نے ملاقات کی، جس میں باہمی دلچسپی کے امور، سیاسی صورتحال او رجنوبی پنجاب سیکرٹریٹ کے امور پر تبادلہ خیال کیاگیا- جنوبی پنجاب سیکرٹریٹ فوری مکمل فعال کرنے کا فیصلہ کیا گیا،جنوبی پنجاب سیکرٹریٹ کو انتظامی و مالیاتی لحاظ سے خود مختاری دی جائے گی ،سیکرٹریز مکمل بااختیار ہونگے،صوبائی وزیرڈاکٹر محمد اختر ملک،چیف وہیپ قومی اسمبلی ایم این اے عامر ڈوگر،ایم این اے زین قریشی،پرنسپل سیکرٹری وزیراعلیٰ پنجاب اور متعلقہ حکام بھی اس موقع پر موجود تھے- ملاقات میں جنوبی پنجاب سیکرٹریٹ کو مکمل فعال کرنے کے لئے فوری طورپر انتظامی اقدامات اٹھانے کا فیصلہ کیاگیا-