آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پنجاب: سنیما اور تھیٹر کھولنے سے متعلق SOPs جاری

پنجاب بھر میں سنیما ہال اور تھیٹر کھولنے سے متعلق ایس او پیز جاری کر دیئے گئے ہیں۔

سیکریٹری پرائمری اینڈ سیکنڈری ہیلتھ کیئر پنجاب محمد عثمان نے سنیما ہال اور تھیٹر کھولنے سے متعلق ایس او پیز کا نوٹیفکیشن جاری کر دیا۔

سیکریٹری پرائمری اینڈ سیکنڈری ہیلتھ کیئر محمد عثمان کے مطابق ماسک پہنے بغیر افراد کے سینما اور تھیٹر میں داخلے پر پابندی ہو گی۔

سیکریٹری پرائمری اینڈ سیکنڈری ہیلتھ کیئر کی جاری کی گئی ہدایات کے مطابق تھیٹر یا سینما ہال میں 40 فیصد کسٹمرز کو آنے کی اجازت دی جائے۔

اِن ڈور بند ہالز کی بجائے کھلے اوپن ایئر تھیٹرز کو ترجیح دی جائے، خود براہِ راست ٹکٹ خریدنے کی بجائے آن لائن ٹکٹ خریدیں۔

کسی بھی تقریب کا وقت 3 گھنٹے سے زائد ہرگز نہ رکھا جائے، ہر شو کے بعد سینما یا تھیٹر کو ڈس انفیکٹ کرنا لازمی ہو گا۔

یہ بھی پڑھیئے:۔

کورونا وائرس کے باعث مسلسل دوسری عید پر کوئی فلم ریلیز نہیں ہوگی

کورونا کی وبا کے باعث فلم’مولان‘ کو آن لائن ریلیز کرنے کا اعلان

سیکریٹری ہیلتھ محمد عثمان کا جاری کی گئی ہدایت میں مزید کہنا ہے کہ سینما اور تھیٹرز 40 سے 60 منٹ دورانیے کے شوز آفر کریں گے۔

سیکریٹری پرائمری اینڈ سیکنڈری ہیلتھ کیئر کا یہ بھی کہنا ہے کہ شو کے آغاز پر کورونا وائرس سے بچاؤ سے متعلق آگہی اشتہار چلایا جائے گا۔

انٹرٹینمنٹ سے مزید