فرمان الہی
نماز کے اوقات
کراچی (اسٹاف رپورٹر) امیرجماعت اسلامی کراچی حافظ نعیم الرحمٰن نے کہا ہے کہ پاکستان تحریک انصاف،پیپلز پارٹی اور ایم کیو ایم کا کراچی کے حوالے سے اتحاد مسائل کے حل کے لیے نہیں صرف پوائنٹ اسکورنگ ہے، ایم کیوایم وفاق میں تحریک انصاف کے ساتھ حکومت میں شریک ہے،30سال سے ایم کیو ایم اور پیپلز پارٹی کراچی میں مشترکہ حکومت کررہے ہیں ہمیشہ انہوں نے کراچی کے عوام کااستحصال کیا،یہ جماعتیں سیاسی مفادات کے لیے اب پھر اکٹھا ہوگئی ہیں۔پہلے ہی یہ تینوں جماعتیں حکومت میں شامل ہیں، اگر یہ جماعتیں کراچی کے مسائل کے حل کے لیے کام کریں گی تو جماعت اسلامی بھرپور تعاون کرے گی۔انہوں نے کہاکہ وفاقی حکومت پی ٹی آئی کی ہے عوام سوال کرتے ہیں کہ 650ارب روپے کے ترقیاتی بجٹ میں کراچی کے لیے کتنا حصہ رکھا گیا؟کراچی میں پی ٹی آئی کے 14 ایم این اے ہیں،گورنر کراچی سے ہیں اور صدر مملکت بھی کراچی سے تعلق رکھتے ہیں،ان سب نے کراچی کو کیا دیا؟
