فرمان الہی
نماز کے اوقات
اسلام آباد ( نیوز ایجنسیز) پاکستان مسلم لیگ (ن)کے سیکرٹری جنرل احسن اقبال نے کہا ہے کہ مسلم لیگ ن کو پاکستان بنانے کی سزا مل رہی ہے ، ہمیں یقین ہے عسکری اداروں کا حکومت کی انتقامی کارروائیوں سے کوئی تعلق نہیں ہے ،اپوزیشن عمران خان سے کوئی این آر او نہیں مانگ رہی ،عمران نیازی نے چینی،شوگر مافیا کو این آر او دیدیا ،سینیٹ اجلاس میں اپوزیشن نے فیٹیف کو شکست نہیں دی ،ایسے نظام کو شکست دی جو حکومت بلڈوز کرنا چاہتی تھی ،ایف اے ٹی ایف کے نام پر وزیراعظم عمران خان کو ہم ہٹلر نہیں بننے دینگے ،۔ بدھ کو احتساب عدالت کے باہر میڈیا سے گفتگو کرتے ہوئے انہوں نے کہاکہ ایک سال ہو گیا لیکن نیب میرے خلاف ریفرنس دائر نہیں کر سکا ،حیلے بہانے کر کے نیب ہر بار نئی تاریخ لے لیتا ہے ،نیب کو جھوٹ گھڑنے کیلئے وقت درکار ہوتا ہے ،نام نہاد شدید انتقامی کارووائی کی شدید مذمت کرتا ہوں ۔ پاکستان کے نوجوانوں کو عالمی معیار کی سہولتیں فراہم کرنے کا جرم بار بار کروں گا ۔ شراب کا پرمٹ دینا ٹھیک ہے لیکن کھیلوں کے گرائونڈ بنانا کرپشن ہے ، آج مسلم لیگ ن کو پاکستان بنانے کی سزا مل رہی ہے ۔ ہمارے خلاف ملکی ترقی کرنے کیخلاف ریفرنس بنانے گئے ۔ وزیر مواصلات بتائے کہ ڈیڑھ سال قبل بنا ئی جانے والی جے آئی ٹی کہاں گئی ؟اپوزیشن عمران خان سے کوئی این آر او نہیں مانگ رہی ۔ عمران نیازی نے چینی،شوگر مافیا کو این آر او دیدیا ۔ کرپشن کی سب سے بڑی پروٹیکشن عمران نیازی کی حکومت کر رہی ہے ۔ حکومتی وزیر بڑے بڑے ٹھیکے لے رہے ہیں ۔
