• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مہمند ماربل کان حادثہ، اموات 22 ہوگئیں

تازہ ترین
قومی خبریں
08 ستمبر ، 2020


خیبرپختونخوا کے ضلع مہمندکی تحصیل صافی کے علاقے زیارت میں ماربل کی کان میں دب کر مرنے والوں کی تعداد 22 ہوگئی ہے ۔

ماربل کی کان میں ریسکیو آپریشن کے دوران مزید 10 لاشیں نکال لی گئی ہیں۔

کان بیٹھنے سے زخمی ہونے والے 11 مزدور تاحال اسپتال میں زیر علاج ہیں۔

تحصیل صافی کے علاقے زیارت میں گزشتہ روز سنگ مرمر کی 6 کانیں اچانک بیٹھ گئی تھیں اور درجنوں مزدور ملبے تلے دب گئے تھے۔

ڈی پی او مہمند طارق حبیب کے مطابق ریسکیو آپریشن کرکے آج مزید 10 لاشیں نکالی گئیں۔

پاک آرمی، ایف سی، ضلعی انتظامیہ اور ریسکیو 1122 کی ٹیمیں ریسکیو آپریشن میں حصہ لے رہی ہیں۔

تازہ ترین