آپ آف لائن ہیں
منگل12؍جمادی الثانی 1442ھ 26؍جنوری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعظم نے واضح کیا کہ افراد کا لاپتا ہونا ناقابل قبول ہے، شیریں مزاری


وفاقی وزیر انسانی حقوق شیریں مزاری نے کہا ہے کہ وزیراعظم عمران خان نے کابینہ میں واضح کیا کہ افراد کا لاپتا ہونا ناقابل قبول ہے، ہر طرح کے جرم سے نمٹنے کے لیے قوانین موجود ہیں۔

وفاقی وزیر اور تحریک انصاف کی رہنما شیریں مزاری کا کہنا تھا کہ ساجد گوندل کے معاملے پر آئی جی اور وزارت داخلہ کو سخت احکامات دیے گئے تھے ، ساجد گوندل کی بحفاظت واپسی پر خوشی ہے۔

واضح رہے کہ گزشتہ روز سیکورٹی ایکسچینج کمیشن آف پاکستان (ایس ای سی پی) کے جوائنٹ ڈائریکٹر ساجد گوندل نے سماجی رابطے کی ویب سائٹ پر اپنی خیریت کی اطلاع دی تھی، ان کا کہنا تھا کہ میں واپس آگیا ہوں اور محفوظ ہوں۔ سب دوستوں کا شکر گزار ہوں جو میرے حوالے سے پریشان رہے۔

ایس ای سی پی کے جوائنٹ ڈائریکٹر 3ستمبر کواسلام آباد سے لاپتہ ہوئے تھے۔ ان کی گاڑی زرعی تحقیقاتی مرکز شہزاد ٹاؤن کے قریب کھڑی ملی تھی۔

قومی خبریں سے مزید