فرمان الہی
نماز کے اوقات
پاکستان کی ڈرامہ انڈسٹری کی خوبرو اداکارہ و ماڈل نمرہ خان نے سوشل میڈیا پر ایک ویڈیو شیئر کی ہے جسے اُن کے مداحوں کی جانب سے خوب پسند کیا جا رہا ہے ۔
نمرہ خان نے اپنے فوٹو، ویڈیو شیئرنگ ایپلیکیشن انسٹا گرام اکاؤنٹ پر ایک ویڈیو شیئر کی ہے جسے اُن کے مداحوں کی جانب سے خوب پسند کیا جا رہا ہے، نمرہ خان کی جانب سے شیئر کی گئی ویڈیو میں دیکھا جا سکتا ہے کہ وہ کسی شوٹ کے سلسلے میں سیٹ پر موجود ہیں ۔
نمرہ خان اپنی بلیک اینڈ وائٹ ویڈیو میں روایتی پرانی ہیروئینوں جیسے لباس میں نظر آ رہی ہیں اور نہایت خوبصورت بھی لگ رہی ہیں۔
ویڈیو میں دیکھا جا سکتا ہے کہ نمرہ خان پاک بھارت کی علیحدگی سے قبل 1961ء میں ریلیز ہونے والی فلم ’ چھیا ‘ کا گانا گنگنا رہی ہیں جسے گلوکار طلعت محمود اور گلوکارہ لتا منگیشکر نے گایا تھا۔
نمرہ خان اپنی شیئر کی گئی ویڈیو میں جو گانا گنگنا رہی ہیں اُس کے بول کچھ یوں ہیں کہ’ اِس لیے تجھ سے میں پیار کروں، کہ تو ایک بادل آوارہ، جنم جنم سے ہوں ساتھ تیرے، ہے نام میرا جَل کی دھارا۔‘
نمرہ خان کی اس ویڈیو کو اُن کے مداحوں کی جانب سے خوب پسند کیا جا رہا ہے اور تعریفی کمنٹس بھی کیے جا رہے ہیں ۔
واضح رہے کہ اس سے قبل پاکستان ٹی وی انڈسٹری کی اداکارہ نمرہ خان نے اپنے انسٹا اکاؤنٹ پر اپنے مداحوں کو بتایا تھا کہ وہ گھر کی سیڑھیوں سے گِر کر شدید زخمی ہوگئیں ہیں، اداکارہ کو چہرے اور سر پر متعدد چوٹیں آئیں ہیں۔
سوشل میڈیا سائٹ انسٹاگرام پر اپنے زخمی چہرے کی تصویریں شیئر کرتے ہوئے مداحوں کو اپنے گرنے کی اطلاع دی تھی اور جلد صحتیابی کی دعاؤں کی درخواست بھی کی تھی۔
