ٹرمپ نے وہی کیا جو اچھے لیڈر کرتے ہیں، ترجمان وائٹ ہاؤس

امریکا میں وائٹ ہاؤس کی ترجمان مک اینینی کا کہنا ہے کہ صدر ٹرمپ نے عوام سے جھوٹ نہیں بولا، بلکہ وہی کیا جو اچھے لیڈر کرتے ہیں۔

ترجمان وائٹ ہاؤس مک اینینی نے میڈیا سے بات چیت کرتے ہوئے کہا کہ امریکی صدر ٹرمپ نے کورونا وباء کے معاملے پر امریکی عوام سے کبھی جھوٹ نہیں بولا۔

کورونا کا خطرہ جان بوجھ کر کم ظاہر کیا، ٹرمپ

امریکی صدر نے کورونا کےمہلک ہونے کے معاملے پر اپنی ہی قوم کو بری طرح گمراہ کیا، ڈونلڈ ٹرمپ نے تسلیم کرلیا ہے کہ انہوں نے کورونا وباء کا خطرہ جان بوجھ کر کم کرکے ظاہر کیا اور دعویٰ یہ کیا ہے کہ ان کا مقصد افراتفری پھیلنے سے روکنا تھا۔

مک اینینی کا کہنا تھا کہ صدرٹرمپ نے فروری سے مارچ کے عرصے میں یہی کہا تھا کہ امریکا میں صورتحال قابو میں ہے مگر اس وقت امریکا میں کورونا سے اموات کی تعداد ایک لاکھ 95 ہزار سے زائد ہوچکی ہے ۔

ترجمان وائٹ ہاؤس نے بتایا کہ امریکامیں 65لاکھ 49 ہزار افراد کورونا سے بیمار، 38لاکھ 45 ہزار صحت یاب ہوچکے ہیں۔

ٹرمپ کورونا پر جھوٹ بولتے رہے، جو بائیڈن

امریکی ریاست مشی گن میں خطاب کے دوران جو بائیڈن نے کہا کہ ڈونلڈ ٹرمپ نے امریکا کے لوگوں کو دھوکا دیا، انہوں نے جان بوجھ کر کورونا وائرس کی سنگینی سے متعلق جھوٹ بولا جو کہ ان کی ناکامی ہے۔

واضح رہے کہ امریکی صدرڈونلڈ ٹرمپ نے معروف صحافی باب ووڈ وارڈ کو فروری، مارچ میں دیئے گئے تفصیلی انٹرویو میں تسلیم کیا تھا کہ انہوں نے کورونا وباء کا خطرہ جان بوجھ کر کم کرکے ظاہر کیا اور یہ دعویٰ بھی کیا کہ ان کا مقصد افراتفری پھیلنے سے روکنا تھا۔

دوسری جانب امریکا میں ڈیموکریٹک پارٹی کے صدارتی امیدوار جو بائیڈن نے ریاست مشی گن میں خطاب کے دوران امریکی صدر ڈونلڈ ٹرمپ پر کورونا وائرس سے متعلق دھوکا دہی کا الزام عائد کیا ہے۔