ایمن کے بعد عائزہ نے بھی ماہرہ کو پیچھے چھوڑدیا

12 ستمبر ، 2020

پاکستان ٹی وی انڈسٹری کی خوبصورت اور باصلاحیت اداکارہ عائزہ خان نے انسٹاگرام پر اپنی مقبولیت کا نیا ریکارڈ قائم کرتے ہوئے پاکستان کی صفِ اوّل اداکارہ ماہرہ خان کو پیچھے چھوڑ دیا ہے۔

جیو انٹر ٹینمنٹ کے مقبول ترین ڈراموں میں اپنی اداکاری کے جوہر دِکھانے والی اداکارہ عائزہ خان کے فوٹو اینڈویڈیو شیئرنگ ایپ انسٹاگرام پر 7 ملین یعنی 70 لاکھ فالوورز ہوگئے ہیں جو کہ ماہرہ خان سے 4 لاکھ زیادہ ہیں۔

عائزہ خان یہ سنگ میل عبور کرنے کے بعد انسٹاگرام پر ایمن خان کے بعد دوسری مقبول ترین اداکارہ بن گئی ہیں جبکہ ایمن خان کے انسٹاگرام فالوورز کی بات کی جائے تو اِس وقت اُنہیں انسٹاگرام پر 7 اعشاریہ 3 ملین یعنی 73 لاکھ صارفین نے فالو کیا ہوا ہے یعنی عائزہ خان اِس دوڑ میں ایمن سے صرف 3 لاکھ فالوورز پیچھے ہیں۔

دوسری جانب ہر دلعزیز اور خوبرو اداکارہ اقراء عزیز نے بھی انسٹاگرام 5 ملین سے زائد فالوورز کا سنگ میل عبور کرلیا ہے، اقراء عزیز کے انسٹاگرام پر 5 ملین ایک اعشاریہ یعنی 51 لاکھ فالوورز ہوگئے ہیں۔

اقراعزیز انسٹاگرام پر زیادہ فعال نظر آتی ہیں اور اُن کے چاہنے والے بھی اداکارہ کی زندگی کے بارے میں جاننے کا تجسس بھی رکھتے ہیں، اداکارہ اپنے انسٹاگرام اکاؤنٹ پر زیادہ تر اپنے شوہر یاسر حسین کے ہمراہ تصاویر اور اپنے نئے فوٹو شوٹ کی تصاویر پوسٹ کرتی نظر آتی ہیں۔

واضح رہے کہ انسٹاگرام پر سب سے زیادہ فالو کی جانے والی پاکستانی اداکاراؤں میں ایمن خان سر فہرست ہیں، عائز ہ خان دوسرے نمبر پر فائز ہیں جبکہ ماہرہ خان اور سجل علی تیسرے نمبر پر موجود ہیں۔