آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آذربائیجان: فنکار کے تیار کردہ پگھلتے ہوئے قالین


آذربائیجان کے ایک فنکار نے قالین کے خاص ڈیزائنوں سے دنیا کو حیران زدہ کردیا ہے۔ ان کی سب سے عمدہ تخلیق وہ قالین ہے جو اوپر سے بالکل درست لگتا ہے لیکن جیسے ہی ہم نیچے دیکھتے ہیں تو ایسا لگتا ہے کہ اس کے رنگ بہہ کر زمین پر پھیل گئے ہیں۔

آذربائیجان میں قالین بافی کی تاریخ ہزاروں سال پرانی ہے۔ فائق احمد کے ڈیزائن روایتی انداز سے شروع ہوتے ہیں لیکن بعد میں ایسا لگتا ہے کہ ڈیزائن خراب ہوگیا ہے ، کہیں اس کے پکسل بن جاتے ہیں یا رنگ برنگی بھنور کی شکل اختیار کرلیتے ہیں لیکن فائق اس خوبصورتی سے یہ کام کرتے ہیں کہ ہر قالین شہہ پارہ بن جاتا ہے۔

فائق احمد نے ایک قالین کو کچھ اس طرح بنایا ہے کہ اس میں قالین در قالین ایک لامتناہی ڈیزائن کی صورت میں نظر آتا ہے۔

دوسرے ڈیزائن میں قالین خمیدہ دکھائی دیتا ہے اور ایسا بالکل نہیں کیونکہ یہ ایک طرح کا ڈیزائن ہی ہے۔ ناقدین نے ان کے کام کا تازہ رحجان اور حیرت انگیز قرار دیا ہے کیونکہ دیکھنے والا حیران رہ جاتا ہے۔

لیکن ان میں سے بہت کم قالین ہی فروخت کے لیے پیش کئے گئے ہیں کیونکہ فائق احمد کو اپنی ہر تخلیق سے بے پناہ محبت ہے۔

خاص رپورٹ سے مزید