فرمان الہی
نماز کے اوقات
ایرانی خاتم الانبیاء مرکزی ہیڈکوارٹر نے جمعے کے روز خبردار کیا ہے کہ اگر اسرائیلی فوجی طیارے پڑوسی ممالک کی فضائی حدود استعمال کرتے ہوئے ایران کی جانب پرواز کرتے ہیں تو انہیں ایران کے لیے خطرہ تصور کیا جائے گا۔
ایرانی سرکاری میڈیا کے مطابق جاری کردہ بیان میں ان اسرائیلی سرگرمیوں کو خطرناک اقدام قرار دیتے ہوئے کہا گیا ہے کہ یہ ایران کی قومی سلامتی کے لیے براہِ راست خطرہ ہیں اور ایران ان کے جواب میں مناسب ردِعمل دینے کا حق رکھتا ہے۔
بیان میں مزید کہا گیا ہے کہ اگر امریکا اسرائیلی کارروائیوں کو روکنے یا کنٹرول کرنے میں ناکام رہتا ہے تو ایران اپنی سلامتی کے خلاف کسی بھی قسم کے خطرے کو ہرگز برداشت نہیں کرے گا۔
خاتم الانبیاء مرکزی ہیڈکوارٹر نے اپنے بیان میں کہا ہے کہ ایران اپنے خلاف کسی بھی خطرے کو برداشت نہیں کرے گا اور ان خطرناک اقدامات کا جواب دینا اپنا جائز حق سمجھتا ہے۔
