حکومتِ سندھ کی شادی ہالز کھولنے کی اجازت

حکومتِ سندھ نے کورونا پابندیوں میں مزید نرمی کرتے ہوئے شادی بیاہ کی تقاریب اور شادی ہالز پر عائد پابندی اٹھالی۔

واضح رہے کہ کورونا وائرس کے باعث لگائے گئے لاک ڈاؤن کے دوران گزشتہ 6 ماہ سے شادی بیاہ کی تقاریب پر پابندی تھی۔

تاہم اب نیشنل کمانڈ اینڈ کنٹرول سینٹر (این سی او سی) کے فیصلوں کے تحت پابندی اٹھانے سے متعلق محکمہ داخلہ سندھ نے نوٹیفکیشن جاری کردیا۔

محکمہ داخلہ سندھ کا کہنا ہے کہ 15ستمبر کے بعد سے شادی ہالز میں تقاریب کا انعقاد ہوسکے گا۔

سندھ میں کل سے اسکول و جامعات کھولنے کا نوٹیفیکیشن جاری

سندھ حکومت نے کل سے اسکول کالجز اور جامعات کھولنے کا نوٹیفیکیشن جاری کردیا۔ تعلیمی سال 15 ستمبر 2020 سے 15 مئی 2021 پر مشتمل ہوگا۔ نوٹفیکیشن کے مطابق نویں سے بارہویں جماعت کے اسکول 15 ستمبر سےکھلیں گے۔ چھٹی سے آٹھویں جماعت کی کلاسیں 21 ستمبر سے شروع ہونگی۔

نوٹیفکیشن کے مطابق سماجی فاصلوں اور ماسک کے ساتھ شادی ہالز میں تقاریب کا انعقاد ہوسکے گا۔

محکمہ داخلہ سندھ کا کہنا ہے کہ تجارتی اور کاروباری سرگرمیوں کے لیے اوقات کار جاری کردیے گئے ہیں۔

سندھ بھر میں تجارتی کاروباری سرگرمیاں صبح 6 سے رات 8 بجے تک ہوں گی جبکہ ہفتے کے روز رات 9 بجے تک دکانیں کھلی رکھی جاسکیں گی۔

آج سندھ میں 12093 کورونا ٹیسٹ، 166 نئے مریض رپورٹ، کوئی ہلاک نہیں ہوا، وزیراعلیٰ

وزیراعلیٰ سندھ سید مراد علی شاہ نے کورونا وائرس کی صورتحال پر اپنے بیان میں کہا کہ گزشتہ 24 گھنٹوں میں 12093 نمونے ٹیسٹ کئے گئے، جس کے نتیجے میں 166 نئے کیسز سامنے آئے۔

محکمہ داخلہ سندھ کا کہنا ہے کہ میڈیکل اسٹورز، اشیائے ضروریہ کی دکانیں اوقات کار کی پابندیوں سے مستثنیٰ ہوں گے۔

محکمہ داخلہ سندھ کے مطابق لاک ڈاون پابندیوں میں نرمی کا حکمنامہ 15 اکتوبر تک موثر ہوگا۔