آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آرمی چیف کی لیفٹیننٹ ناصر حسین شہید کے اہل خانہ سے ملاقات

آرمی چیف جنرل قمر جاوید باجوہ نے لیفٹیننٹ ناصر حسین خالد شہید کے اہل خانہ سے ملاقات کی اور شہید کے ایصال ثواب کے لیے فاتحہ خوانی کی۔

آئی ایس پی آر کے مطابق ملاقات میں آرمی چیف نے شہید لیفٹیننٹ ناصر حسین خالد کے اہل خانہ کے عزم کی تعریف کی اور لیفٹیننٹ ناصر حسین کی بہادری کو خراج عقیدت پیش کیا۔

جنرل قمر جاوید باجوہ نے کہا ہے کہ لیفٹیننٹ ناصر حسین شہید نے مادر وطن کے دفاع کے لیے جان کا نذرانہ پیش کیا، متحد اور اپنے ہیروز کی قدر دان قوم کے عزم کو کوئی خطرہ متزلزل نہیں کر سکتا۔

خیال رہے کہ 03 ستمبر کو شمالی وزیرستان میں سیکیورٹی فورسز کی گاڑی پر آئی ای ڈی حملے میں لیفٹیننٹ ناصر خالد ساتھیوں سمیت جام شہادت نوش کر گئے تھے۔

قومی خبریں سے مزید