پاکستان و افغان کسٹمز کی مشترکہ کارروائی، 6 میٹرک ٹن خطرناک کیمیکل پکڑا گیا

پاکستان کسٹمز اور افغان کسٹم اتھارٹی نے امریکی ادارے کی نگرانی میں افغانستان میں غیر معمولی آپریشن کے دوران 6 میٹرک ٹن خطرناک کیمیکل ضبط کر لیا ہے۔

ضبط شدہ آیوڈین نامی کیمیکل خطرناک منشیات میتھم فیٹامائن بنانے میں استعمال کیا جاتا ہے۔

ذرائع پاکستان کسٹمز کے مطابق یہ شپمنٹ ٹرانزٹ ٹریڈ ایگریمنٹ کے تحت متحدہ عرب امارات (یو اے ای) سے کراچی پہنچی تھی، یہ کنٹینر کراچی سے افغانستان کے لیے بھیجا گیا۔

پاکستان کسٹمز کے پورٹ کنٹرول یونٹ نے شک ہونے کی وجہ سے اس کی خفیہ اطلاع دی، جس پر ماڈل کلیکٹریٹ کسٹمز پریونٹیو کراچی نے خفیہ نگرانی کی۔

کسٹمز انٹیلی جنس کی کارروائی، 11ہزار کلوگرام چھالیہ برآمد، ایک ملزم گرفتار

کراچی(اسٹاف رپورٹر) ڈائریکٹوریٹ آف کسٹمزانٹیلی...

پاکستان کسٹمز کے حکام نے تصدیق پر امریکی ڈرگ انفورسمنٹ ایڈمنسٹریشن اور افغان حکام کو اعتماد میں لیا۔

شپمنٹ منٹ کراچی سے سڑک کے راستے طورخم بارڈر تک پہنچائے جانے کے دوران خفیہ نگرانی کی گئی۔

پاکستان کسٹمز ذرائع کا کہنا ہے کہ امریکی اور افغان اتھارٹی کو اعتماد میں لے کر 14ستمبر کو افغانستان میں مشترکہ آپریشن کیا گیا۔

ذرائع کے مطابق انٹرنیشنل نارکوٹکس بورڈ نے رپورٹ دی کہ آیوڈین کے اس ذخیرے سے 4.5 ٹن منشیات تیار کی جاسکتی تھی۔

کراچی میں کسٹمز کی کارروائی، کروڑوں روپے مالیت کے اسمگل ٹائر برآمد

کراچی میں کسٹمز نے اسمگلروں کے خلاف کارروائیاں تیز کر دیں، پرانی سبزی منڈی میں گوداموں پر چھاپے کے دوران کروڑوں روپے مالیت کے اسمگل شدہ ٹائر برآمد کرلئے گئے.

منشیات اور جرائم سے متعلق یونائیٹڈ نیشن آفس کی رپورٹ کے مطابق برآمد آیوڈین سے 91 بلین روپے کی منشیات تیار کی جاسکتی تھی۔

کارروائی میں 546 ملین ڈالر کا کیمیکل جرائم پیشہ افراد کے ہاتھ لگنے سے روکا گیا ہے۔

پاکستان کسٹم ذرائع کے مطابق کیمیکل سے منشیات بنانے سے حاصل آمدنی دہشت گردی میں استعمال کی جانا تھی۔