سکھر (بیورو رپورٹ) سکھر سمیت گردونواح کے علاقوں میں گرمیوں کی آمد شدت کے ساتھ ہوئی ہے اور شہر سمیت گردونواح کے علاقے شدید گرمی کی لپیٹ میں ہیں، گرمیوں کی آمد کے ساتھ ہی برف، ٹھنڈے مشروبات کی مانگ میں اضافہ ہوگیا ہے، حالیہ شدید گرمی کی آمد نے لوگوں کی مشکلات سے دوچار کردیا ہے، گرمی کے باعث قومی شاہراہوں سمیت شہر کے تمام علاقوں میں ٹھنڈے مشروبات فروخت کرنے والے دکانداروں، ٹھیلوں اور اسٹالوں پر لوگ ٹھنڈے مشروبات کا استعمال کر کے گرمی کی شدت کو کم کرتے دکھائی دیئے، گرمی کے باعث لوگوں نے مختلف پارکوں کا رخ کیا جہاں انہوں نے درختوں کے سائے میں بیٹھ کر گرمی کی شدت کو کم کرنے کی کوشش کی، حالیہ گرمی کی لہر کے باعث سکھر اور گردونواح کے علاقوں میں معمولات زندگی بری طرح متاثر رہی ۔
فرمان الہی
نماز کے اوقات
