آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

قومی اسمبلی کی کارروائی اردو میں نشر کی جائے،شیخ سربلند

لندن (جنگ نیوز) سماجی شخصیت شیخ سربلند نے اپنے ایک بیان میں کہا ہے کہ پاکستان کی قومی زبان اردو ہے لیکن قومی اسمبلی میں تقریباً تمام کارروائی انگریزی میں کی جارہی ہے۔ انہوں نے کہا کہ اسمبلی کی کارروائی کو ملک بھر میں ٹی وی کے ذریعے نشر بھی کیا جاتا ہے۔ پاکستان میں آخر کتنے لوگ انگریزی سمجھتے ہیں جو وہ اس کارروائی کو سمجھ سکیں گے۔ انہوں نے کہا کہ ضرورت اس امر کی ہے کہ پاکستان میں تمام اداروں میں قومی زبان کو فروغ دیا جائے اور اس پر فخر بھی کیا جائے۔ شیخ سربلند نے کہا کہ انگریزوں سے آزادی کے باوجود ہماری قوم آج بھی احساس کمتری میں مبتلا نظر آتی ہے۔ مدینہ کی ریاست کی دعویدار حکومت کو چاہئے کہ وہ قومی اسمبلی کی کارروائی کو اردو میں کرنے کا حکم جاری کرے تاکہ عام لوگ بھی اس بات کو سمجھ سکیں کہ ملک میں ہو کیا رہا ہے۔

یورپ سے سے مزید