کراچی(اسٹاف رپورٹر)گورنر اسٹیٹ بینک ڈاکٹر رضا باقر نے کہا ہے کہ جرأت مندانہ اقدامات نے معیشت کو مضبوط قدموں پر کھڑا کردیا ہے،بیرون ملک مقیم پاکستانیوں کو مزید سہولتیں دینے کے لیے کام کر رہے ہیں، اسٹیٹ بینک بیرون ملک مقیم پاکستانیوں کو اپنے وطن سے مالی طور پر منسلک رہنے میں سہولت دینے کے لیے پرعزم ہے، ان خیالات کا اظہار انہوں نے واشنگٹن میں پاکستانی سفارتخانے کی جانب سے منعقدہ تقریب سے خطاب کرتے ہوئے کہی