آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شنیرا اکرم کا کنگنارناوت پر طنز، بھابھی راکس پورا بھارت شاکڈ

کراچی (مانیٹرنگ ڈیسک)پاکستانی قومی کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم نے بولی وڈ کی اداکارہ کنگنا رناوت پر طنز کر دیا۔ تفصیلات کے مطابق گزشتہ دنوں بھارتی اداکارہ کنگنا رناوت نے مائیکرو بلاگنگ سائٹ ٹوئٹر پر اپنا ایک پیغام جاری کیا تھا جس میں اُنہوں نے خود پر تنقید کرنے والوں کو جواب دیا تھا۔اداکارہ نے اپنے ٹوئٹ میں لکھا تھا کہ وہ کچھ ہی عرصے میں بطور بہت لڑاکا شخصیت بن گئی ہیں۔اس حوالے سے کنگنا رناوت نے کہا تھا کہ اس میں کوئی سچائی نہیں ہے، اُن کے ماضی میں ایسی کوئی مثال نہیں ملتی کہ کبھی اُنہوں نے خود سے لڑائی شروع کی ہو۔اداکارہ نے مزید کہا کہ اگر اُنہیں کسی نے لڑاکا ثابت کر دیا تو وہ اپنا ٹوئٹر اکاؤنٹ بند کر دیں گی۔دوسری جانب اداکارہ نے اپنے ٹوئٹ کے اختتام میں بتایا کہ یہ اُن کے مذہب میں ہے کہ جب کوئی آپ سے لڑے یا مقابلہ کرے تو آپ کو لڑائی سے انکار نہیں کرنا چاہیے۔کنگا رناوت کے اِس ٹوئٹ پر شنیرا اکرم نے اپنا ردعمل دیتے ہوئے لکھا کہ مان لیا کہ آپ خود سے لڑائی شروع نہیں کرتیں لیکن آپ مدر ٹریسا بھی نہیں ہیں، جنہوں نے اپنی ساری زندگی انسانیت کی خدمت کے لیے وقف کی۔جبکہ شنیرا اکرم کو سراہتے ہوئے ایک صارف نے لکھا کہ بھابھی راک، پورا بھارت شاکڈ۔اس کے علاوہ افشین نامی

صارف نے لکھا کہ بھابھی آپ نے ایک زبردست جواب دیا ہے۔علی صدام نامی صارف نے شنیرا کی تعریف کرتے ہوئے لکھا کہ یہ چیز بھابھی۔جہاں صارفین نے شنیرا اکرم کے جواب کو خوب سراہا ہے لیکن شنیرا کو مشورہ دیا کہ آپ کا ایک اعلیٰ معیار ہے آپ کنگنا رناوت جیسے متنازع لوگوں کے بارے میں بات نہ کریں۔

دل لگی سے مزید