آپ آف لائن ہیں
منگل 2ربیع الاول 1442ھ20؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا وائرس کے خلاف جنگ میں فتح ہوگی، چینی صدر

بیجنگ (جنگ نیوز) چین کے صدر شی جن پھنگ نے کہا ہے کہ کورونا وائرس کیخلاف جنگ میں انسانیت فتح یاب ہو گی، مسابقت کے دور میں ممالک کو اخلاقی معیار کی خلاف ورزی نہیں کرنی چاہئے۔ چینی صدر نے اقوام متحدہ کی جنرل اسمبلی کے 75ویں سیشن کی عمومی بحث میں ویڈیو بیان دیا ہے۔ بیان کے اہم نکات کے مطابق چینی صدر نے کہا کہ مختلف ممالک کے لوگوں کواکٹھا ہونا ہوگا۔عزم ،حوصلے اور لگن کے ساتھ جو اندھیروں کو اجالوں میں تبدیل کردے،ہمیں اس آفت کا مقابلہ جاری رکھنا ہوگا۔اس وائرس کو شکست دی جائے گی اور انسانیت اس جنگ میں فتح یاب ہوگی۔صدر شی نے کہا کہ انسانی معاشرے کی ترقی کی تاریخ تمام چیلنجوں اور مشکلات اور ان پر ہماری فتوحات کی جدوجہد سے عبارت ہے۔چینی صدر نے کہا کہ انسان، قدرت کے بارہا انتباہ کو نظر انداز کرنے اور فطرت کے تحفظ میں سرمایہ کاری کئے بغیروسائل کشید کرنے اورتحفظ کی قیمت پر ترقی کے راستے پر چلنے اوربحالی کے بغیر وسائل سے فائدہ اٹھانے کا متحمل نہیں ہوسکتا۔صدر شی نے کہا کہ مسابقت کے دور میں ممالک کو اخلاقی معیار کی خلاف ورزی نہیں کرنی چاہئے اور بین الاقوامی اصولوں پر عمل کرنا چاہئے۔ خاص طور پر بڑے ممالک کو بڑے ممالک کی طرح کام کرنا چاہئے۔ انہیں زیادہ سے زیادہ دنیا کی بہتری کا سامان مہیا کرنا چاہئے ، اپنی ذمہ

داریاں نبھانا اور عوام کی توقعات پر پورا اترنا چاہئے۔

یورپ سے سے مزید