• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں پرائمری اسکول دیر سے کھولنے کا فیصلہ

آج کا اخبار
اہم خبریں
27 ستمبر ، 2020

بلوچستان میں پرائمری اسکول دیر سے کھولنے کا فیصلہ 


کوئٹہ (جنگ نیوز) بلوچستان حکومت نے پرائمری اسکولز کھولنے کی تاریخ میں 15دن کی توسیع کا اعلان کر دیا۔ بلوچستان حکومت کے ترجمان لیاقت شاہوانی نے پریس کانفرنس کرتے ہوئے کہا کہ بلوچستان کے تعلیمی اداروں میں کورونا ٹیسٹ مثبت آنا شروع ہوگئے ہیں جس کے مدنظر رکھتے ہوئے پرائمری اسکولز کھولنے کی تاریخ میں مزید 15 دن کی توسیع کر دی گئی ہے۔ انہوں نے کہا کہ بلوچستان کے جن تعلیمی اداروں میں کورونا کیسز مثبت آئے ان کو بند کر دیا گیا ہے اور اب بغیر ماسک کے تعلیمی اداروں میں داخل ہونے والوں کو جرمانے کیے جائیں گے۔ ترجمان بلوچستان حکومت نے کہا کہ نیشنل کمانڈ اینڈ آپریشن سینٹر (این سی او سی) میں تعلیمی ادارے 15 اکتوبر کو کھولنے کی تجویز پیش کریں گے۔

تازہ ترین