آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہانیہ عامر کی منگنی ٹوئٹر پرٹرینڈ کرگئی

ببلی لُک رکھنے والی پاکستانی شوبز انڈسٹری کی اداکارہ ہانیہ عامر کی منگنی سے متعلق ہیش ٹیگ ٹوئٹر پر ٹرینڈ بن گیا ہے۔

سماجی رابطے کی ویب سائٹ ٹوئٹر پر خوبرو اداکارہ ہانیہ عامر کو منگنی کی مبارکباد دی جا رہی ہے، ’منگنی مبارک ہانیہ‘ کا ہیش ٹیگ گزشتہ دن سے ٹرینڈنگ پر ہے جبکہ اب یہ ٹرینڈز پر پہلے نمبر پر آ گیا ہے ۔

ٹوئٹر صارفین کی جانب سے میمز اور ٹوئٹس کے ذریعے ہانیہ کو مبارکباد دی جا رہی ہے جبکہ چند صارفین ایسے بھی ہیں جنہیں اس ٹرینڈ سے متعلق کچھ معلوم نہیں اور وہ ٹوئٹس کے ذریعے دوسروں سے اس ٹرینڈ کی وجہ پوچھ رہے ہیں۔

دوسری جانب اب اس ٹرینڈ پر ہانیہ عامر کی جانب سے بھی ردِ عمل سامنے آ گیا ہے جس میں اُنہوں نے حیرانی کا اظہار کرتے ہوئے کہا ہے کہ وہ اپنے ٹوئٹر اکاؤنٹ پر موصول ہونے والے سیکڑوں نوٹیکفیشن سے متعلق پریشان تھیں مگر انہوں نے سوچا ہوا تھا کہ وہ چیک نہیں کریں گی کہ صارفین اُن سے متعلق اس بار کیا کہہ رہے ہیں۔

ہانیہ کی جانب سے انسٹا گرام اکاؤنٹ پر شیئر کی گئی اسٹوریز  میں کہا گیا ہے کہ مگر آج صبح اُنہوں نے اپنا ٹوئٹر اکاؤنٹ چیک کر ہی لیا تا کہ اُنہیں معلوم ہو سکے کہ ہو کیا رہا ہے۔

انہوں نے ہنستے ہوئے منگنی کی مبارکباد دیئے جانے پر مداحوں کا شکریہ بھی ادا کیا اور کہا کہ وہ بہت خوش ہیں۔

ہانیہ عامر کی جانب سے اس ٹرینڈ پر حیرانی کا اظہار کرتے ہوئے مزید کہا گیا کہ اُن کے مداح اُنہیں حیران کرنے کا کوئی موقع ہاتھ سے نہیں جانے دیتے ہیں۔

اپنی انسٹا گرام اسٹوریز پر ہانیہ عامر کی جانب سے کچھ ٹوئٹس بھی شیئر کیے گئے ہیں۔

انٹرٹینمنٹ سے مزید