کوئٹہ(اسٹا ف رپورٹر) کوئٹہ الیکٹرک سپلائی کمپنی(کیسکو)کے چیف ایگزیکٹوافسرکی خصوصی ہدایت پر گزشتہ روزلورالائی سرکل سپرنٹنڈنگ انجینئررسد خان کاکڑکی نگرانی میں ایکسیئن غلام محمد کاکڑ کی ٹیم نے لورالائی شہرمیں سپیشل مجسٹریٹ کیسکو لورالائی سرکل محمد احسن انوراور کیسکو ٹیم کے ہمراہ بجلی چوروں کے خلاف کارروائی کی جس دوران گزشتہ دو دنوں میں 66 بجلی چوروں کو گرفتار کر لیا گیا جن سے جرمانہ کی مد میں تقریبا 5لاکھ روپے بھی وصول کئے گئے۔ اس کے علاوہ 5 نادہندگان کے ٹراسفارمرز بھی اتار دیے گئے اس دوران متعدد گھریلو اور کمر شل برقی کنکشنز بھی عدم ادائیگی پر منقطع کردئیے گئے۔ اسی طرح ڈیرہ مراد جمالی میں قائم مقام ایس ڈی او محمد قاسم کھوسہ کی ٹیم نے گوٹھ محمد شریف ہجوانی ،گوٹھ شاہنواز ، ہجوانی، گوٹھ خیر محمد لک اور متعلقہ علاقوں میں نادہندہ گان کے خلاف کارروائی کرتے ہوئے 5 ٹراسفارمرز کے کنکشنز منقطع کر دیئے جن کے ذمہ 15 لاکھ روپے واجب الادا ہیں علاوہ ازیں ایس ڈی اوکیسکوڈھاڈر سب ڈویژن ذوالفقارعلی، لائن سپرنٹنڈنٹ بشیربنگلزئی کی ٹیم نے عملہ کے ہمراہ سپلنجی اور ڈھاڈر کے علاقوں میں 25 زرعی نادہندگان کے ٹرانسفارمرزاُتاردئیے جبکہ بقایاجات کے حامل47 نادہندگان کے برقی کنکشنز بھی منقطع کردئیے گئے۔
فرمان الہی
نماز کے اوقات
