بیٹی نے 2 بار زیادتی کے بعد خودکشی کی، والد

تھرپارکر میں 16 سالہ مومل کی خودکشی کے واقعے نے نیا رخ اختیار کرلیا، لڑکی کے والد کا کہنا ہے کہ دو بار اجتماعی زیادتی کا نشانہ بننے والی مومل مینگواڑ نے انصاف نہ ملنے پر خودکشی کی ہے۔

تھر پارکر میں انصاف جیسے ناپید ہوگیا ہو اجتماعی زیادتی کاشکار ہونے والی 16 سالہ مومل ایک سال تک انصاف مانگتی رہی مگر پولیس کی کمزور تفتیش عدالتوں میں وکلاء اور کبھی ملزمان کی عدم موجودگی کے باعث سماعتیں ملتوی ہوتی رہیں اور ملزمان دندناتے پھرتے رہے ۔

تھرپارکر: نوجوان لڑکی کی کنویں میں کود کر خودکشی

پولیس حکام کے مطابق مومل میگھوار نامی اس لڑکی نے گزشتہ روز مٹھی کے علاقے چہلہار میں خود کشی کی۔

پولیس کے مطابق مقدمہ کی سماعت سے قبل مومل کو مبینہ طور پر دوبارہ اجتماعی زیادتی کا نشانہ بنایا گیا، ذہنی دباؤ اور بدنامی کا خوف مومل کو خودکشی پر مجبور کرگیا ۔

پولیس ذرائع کے مطابق دوبارہ اجتماعی زیادتی میں مرکزی ملزم بھی وہ نکلا جو پہلےہی مومل کے ساتھ زیادتی کے زیر سماعت مقدمے کا ملزم بھی ہے۔

پولیس حکام کا دعویٰ ہے کہ اجتماعی زیادتی کے مقدمے میں ڈی این اے میچ نہ ہونا ملزم کی رہائی کا سبب بنا ۔

تھرپارکر میں درخت سے لٹکی لڑکی کی لاش برآمد

والدین کے مطابق لڑکی کا ذہنی توازن درست نہیں تھا۔

دوسری جانب مٹھی اسپتال کے حکام کا کہنا ہے کہ جنسی زیادتی کا شکار ہونے والی مومل کے تو ڈی این اے کے لیے نمونے حاصل کرلیے گئے تاہم 4 دن گزر جانے کے باوجود ملزم کا ڈی این اے کے لیے نمونہ نہ لینا پولیس نظام کے لیے چیلنج ہے ۔

واضح رہے کہ گزشتہ دنوں سندھ کے ضلع تھرپارکر میں نوجوان لڑکی مومل نے کنویں میں کود کر خودکشی کی تھی ۔