کراچی والے کچرے میں رہنے پر مجبور ہیں، شنیرا اکرم

قومی کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم کا کہنا ہے کہ کراچی میں لاکھوں لوگ کچرے میں رہنے پر مجبور ہیں۔

شنیرا اکرم نے سوشل میڈیا پر ٹوئٹ کرتے ہوئے کراچی میں جگہ جگہ دکھائی دینے والے گندگی کے ڈھیر پر برہمی کا اظہار کیا ہے۔

سابق کرکٹر کی اہلیہ کے ٹوئٹ پر عظمیٰ رانا نامی صارف نے شنیرا کے کل کے سی ویو پر گندگی کے ڈھیر سے متعلق ٹوئٹ پر ان سے سوال کیا  آپ اس غلاظت میں کیا کر رہی ہیں؟ جس پر ایک صارف نے کہا کہ شنیرا عوام کو جگا رہی ہیں تاکہ پاکستان کی خوبصورتی کو برقرار رکھا جاسکے۔

ہم مدد مانگ رہے ہیں لیکن کوئی سُننے والا نہیں، شنیرا اکرم

کراچی کے ساحل پر موجود گندگی کی تصاویر سوشل میڈیا پر دیکھنے کے بعد قومی کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم بھی سی ویو پہنچ گئیں۔

صارف کے جواب پر عظمیٰ رانا نامی صارف نے کہا کہ شنیرا اس وقت بہت زیادہ گندگی میں کھڑی ہیں اور یہ صحت کے لیے مضر ہے۔

اہلیہ کو سی ویو پر لا کر بہت بڑی غلطی کی: وسیم اکرم

وسیم اکرم کراچی سی ویو کی حالت دیکھ کر مایوس ہوگئے، سوشل میڈیا پر جاری ویدیو پیغام میں کہا کہ ہفتے کے پہلے روز اہلیہ کو سی ویو پر لا کر بہت بڑی غلطی کی۔

عظمیٰ رانا نامی صارف کے جوابات دیکھنے کے بعد شنیرا نے ٹوئٹ کرتے ہوئے لکھا کہ ’یہاں لاکھوں افراد ایسے ہیں جو اس کچرے کے ڈھیر کے درمیان اپنی زندگی گُزار رہےہیں۔‘

شنیرا نے لکھا کہ ’وہ لوگ کچرے میں رہنے پر مجبور ہیں کیونکہ ان کے پاس کوئی دوسرا آپشن موجود نہیں ہے۔‘

اُنہوں نے مزید لکھا کہ ’یہ وہ لوگ ہیں جن کی فکر کرنے کی آپ کو ضرورت ہے۔‘

شنیرا اکرم کا کراچی کے ساحل پر جانے سے انکار

قومی کرکٹ ٹیم کے سابق کپتان وسیم اکرم کی اہلیہ و سماجی کارکن شنیرا اکرم نے کراچی کے ساحلِ سمندر پر موجودگی گندگی کو دیکھ کر شدید برہمی کا اظہار کیا ہے۔

گزشتہ روز شنیرا مارننگ کے لیے اپنے شوہر وسیم اکرم کے ہمراہ سی ویو گئی تھیں جہاں اُنہیں شدید افسردگی کا سامنا کرنا پڑا کیونکہ کراچی کے ساحل پر بےتحاشہ کچرا موجود تھا۔

کراچی کے ساحل پر گندگی دیکھنے کے بعد شنیرا نے مائیکرو بلاگنگ سائٹ ٹوئٹر پر اپنی تصویر شیئر کی تھی جبکہ تصویر میں ساحل پر موجود کچرہ اور گندگی بھی واضح طور پر دکھائی دے رہی تھی۔

واضح رہے کہ گزشتہ سال شنیرا نے کراچی کے ساحل پر گندگی اور سرنجوں کی موجودگی کا انکشاف کیا تھا جس کے بعد کراچی کے ساحل پر پھینکی گئیں سرنجیں اُٹھالی گئی تھیں۔