• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرنچ اوپن ٹینس مینز سنگلز، عالمی نمبر ایک نوویک جوکووچ اور سٹیفانوس کوارٹر فائنل میں پہنچ گئے

آج کا اخبار
یورپ سے
09 اکتوبر ، 2020
پیرس (اے پی پی)سربیا کے بین الاقوامی شہرت یافتہ ٹینس سٹار اور عالمی نمبر ایک نوویک جوکووچ، یونان کے سٹیفانوس اور ہسپانوی ٹینس سٹار پابلو کیرینو اپنی فتوحات برقرار رکھتے ہوئے رواں سال کے تیسرے گرینڈ سلام فرنچ س اوپن ٹینس ٹورنامنٹ کے کوارٹر فائنل مرحلے میں پہنچ گئے جبکہ روسی کیرن خچانوف اور بلغاریہ کے گریگور دیمتروف پری کوارٹر فائنل رائونڈ میں ہار کر میگا ایونٹ سے باہر ہوگئے۔ رواں سال کا تیسرا گرینڈ سلام فرنچ اوپن ٹینس ٹورنامنٹ فرانس کے دارالحکومت پیرس میں جاری ہے۔ سٹیڈ رولینڈ گراس پر کھیلے جارہے میگا ایونٹ کے مینز سنگلز پری کوارٹر فائنل میچز میں سربیا کے عالمی نمبر ایک اور میگا ایونٹ کے ٹاپ سیڈڈ کھلاڑی نوویک جوکووچ نے روایتی کھیل پیش کرتے ہوئے روسی حریف کھلاڑی کیرن خچانوف کو سٹریٹ سیٹس میں 4-6، 3-6 اور3-6 سے ہرا کر کوارٹر فائنل کے لئے کوالیفائی کرلیا۔ یونانی کھلاڑی سٹیفانوس نے بلغاریہ کے گریگور دیمتروف کو شکست دیکر ٹاپ ایٹ رائونڈ کے لئے کوالیفائی کیا، انکی فتح کا سکور 3-6،6-7(9-11) اور2-6 تھا۔ ایک اور میچ میں ہسپانوی ٹینس سٹار پابلو کیرینو نے عمدہ کھیل پیش کرتے ہوئے حریف جرمن کھلاڑی ڈینیئل الٹیمیرکو سٹریٹ سیٹس م2-6، 5-7 اور2-6 سے ہر اکر میگا ایونٹ کا کوارٹر فائنل رائونڈ کھیلنے کا اعزاز حاصل کرلیا۔
تازہ ترین