دھونی کی بیٹی کو دھمکیاں دینے والا گرفتار

بھارتی پولیس نے کرکٹ ٹیم کے سابق کپتان مہندرا سنگھ دھونی کی بیٹی کو دھمکیاں دینے والے نوجوان کو حراست میں لے لیا۔

بھارتی پولیس کے مطابق 16 سالہ نوجوان کو گجرات سے حراست میں لیا گیا جو کہ 12ویں جماعت کا طالب علم ہے۔

ملزم نے مہندرا سنگھ دھونی کی اہلیہ کے انسٹاگرام اکاؤنٹ پر ان کی بیٹی کو دھمکیاں دی تھیں۔

پولیس کا کہنا ہے کہ ملزم نے اعتراف کیا ہے کہ اس نے آئی پی ایل میں چنئی اور کولکتہ کے میچ کے بعد انسٹاگرام پر دھمکی والے پیغامات پوسٹ کئے تھے۔

واقعے کے بعد سے سوشل میڈیا پر صارفین کی جانب سے غصے کا اظہار کیا جا رہا تھا۔ متعدد کرکٹرز، سیاستدان اور فلمی شخصیات نے اس واقعے پر ایکشن لینے کا مطالبہ بھی کیا تھا۔