ملزم عابد کو گرفتار کرنیوالی ٹیم کیلئے 50لاکھ انعام

وزیر اعلیٰ پنجاب سردار عثمان بزدار نے موٹر وے ریپ کیس کے مرکزی ملزم عابد کو گرفتار کرنے والی ٹیم کے لیے 50 لاکھ روپے انعام کا اعلان کیا ہے۔

وزیراعلیٰ پنجاب عثمان بزدار نے موٹر وے ریپ کیس کے مرکزی ملزم عابد کی گرفتاری پر آئی جی پنجاب اور اُن کی پوری ٹیم کو مبارک باد پیش کی ہے اور اُن کو 50 لاکھ روپے انعام دینے کا اعلان بھی کیا ہے۔

وزیراعلیٰ پنجاب عثمان بزدار نے کہا کہ اس کیس کے تمام ہائی پروفائل ملزمان گرفتار ہوچکے ہیں۔

موٹر وے زیادتی کیس، مرکزی ملزم عابد شناخت پریڈ کیلئے جیل منتقل

موٹر وے پر خاتون سے زیادتی کے مرکزی ملزم عابد ملہی کو لاہور کی انسدادِ دہشت گردی کی خصوصی عدالت نے شناخت پریڈ کیلئے جیل بھیج دیا۔

واضح رہے کہ موٹر وے ریپ کیس کا مرکزی ملزم عابد ایک ماہ تک فرار رہنے کے بعد گزشتہ روز لاہور کے قریب مانگا منڈی سے گرفتار ہوگیا۔

عابد نے پولیس کے فراہم کردہ نمبر اور فون پر اپنی اہلیہ سے رابطہ کیا تھا، جب وہ اپنی اہلیہ سے ملنے آیا تو پولیس کے سادہ لباس اہلکاروں نے اسے دھر لیا۔

موٹر وے زیادتی کیس کے مرکزی ملزم عابد کے انکشافات

مرکزی ملزم عابد ملہی نے بتایا کہ 9 ستمبر کو ہم لوٹ مار کی وارداتوں کے لیے کورول گاؤں سے نکلے تھے ۔ گاڑی کے جلتے بجھتے انڈیکٹر دیکھ کر موٹروے کے اوپر چلے گئے۔

ذرائع کا کہنا ہے کہ موٹر وے ریپ کیس کے مرکزی ملزم عابد کو لاہور کے قریب مانگا منڈی سے گرفتار کیا گیا ہے، اس کیس میں شریک دوسرا ملزم شفقت پہلے ہی جوڈیشل ریمانڈ پر جیل میں ہے۔