مکہ اور مدینہ کے ہوٹلز کیلئے نئے ایس او پیز جاری

13 اکتوبر ، 2020

کورونا وائرس: سعودی عرب میں عمرہ زائرین کے لیے سخت ایس او پیز جاری

سعودی عرب نے مقدس ترین شہروں مکہ مکرمہ اور مدینہ منورہ کے رہائشی ہوٹلوں کو ہدایت کی ہے کہ ایک کمرے میں دو سے زیادہ عمرہ زائرین کو نہ قیام نہ کرنے دیا جائے۔

سعودی میڈیا رپورٹ کے مطابق وزارت حج و عمرہ نے کہا ہے کہ تمام رہائشی ہوٹل کورونا وائرس سے بچاؤ پر مبنی ایس او پیز پر عمل کے پابند ہیں۔ ایک گروپ میں آنے والے عازمین عمرہ کو ایک ہی منزل پر واقع کمروں میں ٹھہرانا ضروری ہے۔

یہ بھی پڑھیے

حکام نے مزید کہا کہ ہوٹلوں میں قرنطینہ مراکز یا کمرے موجود ہونے چاہئیں جن میں وزارت صحت سے رابطہ کرنے کے لیے ٹیلیفون کی سہولت بھی موجود ہو۔ جبکہ ایسے تمام ہوٹل اپنی گنجائش سے نصف مہمانوں کو رہائش فراہم کرنے کے مجاز ہونگے، ہوٹل سے حرم کے لیے نکلنے سے پہلے اعتمرنا سے پیشگی وقت لینا ضروری ہے۔

جن زائرین میں کورونا وائرس لاحق ہونے کی علامات پائی جائیں انہیں مخصوص کمروں تک محدود کیا جائے، اور انہیں آئسولیشن کی مدت پوری کرنے تک وہیں رہنے کا پابند کیا جائے گا۔ جبکہ ہوٹلوں میں بوفے پر پابندی ہے، اجتماعی کھانوں کا بھی اہتمام نہیں ہوگا۔

تازہ ترین